LSDM: Më 12 prill qytetarët s’do të votojnë për kthimin e regjimit

15:20 | 5 Janar 2020
Gita

Nëpërmjet një njoftimi të LSDM-së, thuhet se “Mickoski dhe OBRM-PDUKM ofrojnë rindërtim të regjimit, krimit, izolimit, varfërisë dhe kjo është e qartë për qytetarët”.

“Opozita është bllokuar me regjimin, asgjë nuk ka ndryshuar në OBRM-PDUKM. Madje edhe në ceremoni fetare Mickoski kërcënon me kthim në të kaluarën e errët, anulim të Marrëveshjes së Prespës, prishjen e perspektivave të NATO-s dhe BE-së dhe kthim të izolimit dhe regjimit”, shprehen nga LSDM, njofton Telegrafi Maqedoni.

Nga kjo parti thonë se Mickoski duhet të përgatitet për disfatë për shkak se qytetarët s’do votojnë për regjim.

“Më 12 prill qytetarët do të deklarohen dhe do të vërtetojnë se nuk duan regjim dhe se duan zhvillim dhe të ardhme me LSDM”, shprehen nga kjo parti.